Bashkia Selenicë

| Kryetari i Bashkisë | Nertil Bellaj |
| Popullsia (Censusi 2023) | 9.580 banorë |
| Faqja zyrtare | www.selenica.gov.al |
| Përfaqësuesit në Këshillin e Qarkut Vlorë | Nertil Bellaj, Aleksandra Arshiaj, Hektor Gjoka, Nervida Lazaj |
Burimi i popullsisë: INSTAT – Censusi 2023. Lista e plotë e këshilltarëve: Këshilltarët.
Bashkia Selenicë është e kufizuar me brigjet e lumit Vjosë në veri-lindje, vargu i Shashice-Çikës në perëndim dhe malësitë e Kurveleshit dhe Bashkia Himare në jug. Qyteti Selenicë ndodhet në bregun e majtë të lumit Vjosë, rreth 34 km nga qyteti i Vlorës dhe ngrihet në zonën kodrinore, duke përfshirë minierën e bitumit, burimi i vetëm i këtij minerali në Shqipëri. Qyteti Selenicë përmendet që nga antikiteti si një vend me emrin “Nympheum”, me zjarret e përjetshme, për shkak të burimit të mineraleve. Territori i bashkisë Selenicë përfshin qytetet e lashta të Olimpias dhe Amantias që datojnë në shekullin V p.K. Gjithashtu si objekte kulturore përmenden kisha e Shën Thanasit, afresket e të cilit janë realizuar nga piktori i madh David Selenicasi, kisha e Armenit, etj. Prania e qendrave të trashëgimisë arkeologjike dhe kulturore në territorin e bashkisë ka krijuar mundësi për zhvillimin e turizmit rural dhe kulturor. Menaxhimi ekonomik i bashkisë është fokusuar në bujqësinë dhe blegtorinë.
Për më shumë shihni www.selenica.gov.al